اورموگولي ...

اورموگولي ....

 بوندان سورا داها هئچ زامان تاریخ صحیفه لرین، ورق ورق دولانیب وطن خائنی آختارمیئ...جام! لازیم اولورسا قالخیب آینادا اوزومه باخاجام! نیه کی گؤزوم باخا باخا وطنیم محو الور، آمما من حالا بو مسئله نی سیر ائدیرم! همیشه دوشونردیم، حیاتدا ایکی زاد اوچون جانیمی سئوه سئوه و هیچ دورمادان قوربان وئررم: بیرینجیسی دینیم ایکینجیسی وطنیم آمما دیئسن ایش مرره باشینا چاتاندا، فیکرلره عمل ایتمک چئتین اولور! اورمیه دریاچاسی قورور، آمما حالا جمهوری اسلامی ایران مسئول لارینین طرفیندن، بو گولون قوروماسینا قارشی هئچ بیر جدٌی آددیم گوتورولمه ئیب! آخی بوردا آنا دیلی سوز قونوسو دئیل کی دئسینلر : نه فرقی وار!! هامیسی دیللر الله وئرگیسی پایدی، اساس بودور اینسان بیر اورتاق دیله بیربیریله مناسبت قورسون! و یا بورادا، اقتصادیت،حق تعین سرنوشت، آزادی بیان، ویا غیره ایستئکلر سوز قونوسو دیئیل کی دیاق، هئله اوتوشر! بورادا وطندن صحبت گئدیر! وطن، بو مقدس وارلیق سوز قونوسودو! وطنیمیزین ذره ذره محو اولماقی و کویره تبدیل اولماقینین سوزودور! بوجان وطن اوچون قربان اولمیه جاق، بس کیم اوچون اولاجاق؟ یاشاماق چوخ شیریندی، هامی بیلر، کیمسه بونو دانا بیلمز! آمما نه قیمته؟ مگر بو دئیل کی اینسان بیر گون بو حیاتا گئلیب و بیر گونده کوچمئلیدی؟ مگر اینسانین اینانج و وطنیندن ده، دیئرلی بیر زاد بو دنیادا وار؟ تانریم، ایاق اوسته قیزارا قیزارا اولوم منه نصیب ائت، کی اوتوردوقوم یئرده سارالا سارالا تاماشیچی اولماقدان یورولدوم! یونس کریمیان تبریز_1391/02/27