اوزون ايللر اؤنجه جاوان اولاندا
تانيديغيم بير قيزا وورولدوم يامان
بيليرديم كي، جانيم، سئوگيليم ايدي
بيلميرديم كي، ناغيل ايميش او زامان.
سن دئمه بو سئوگي بير ناغيل ايميش
من اؤزوم-اؤزومو آلداديرميشام
بو سئوگي آغليمي يامانجا آلميش
آرتيق بو سئوگييله لعنتلنميشم.
بوتون گونو دالاشيب، بيز باريشيرديق
سحرلر كوسوردوك، آخشام سئويشيرديك
هئچ كيم منه بو قدر درد وئرمه‌ميشدي
هئچ كيم اورگيمه تئز گيرمه‌ميشدي.
بيلميرم نه ائتديم، آيريلديق بيردن
سوروشورام اونو گلن-گئدندن
لاكين بير گؤزل گون من تاپسام اونو
سونسوز و مؤهتشم اولاجاق سونو.
سن دئمه بو سئوگي بير ناغيل ايميش
من اؤزوم-اؤزومو آلداديرميشام
بو سئوگي آغليمي يامانجا آلميش
آرتيق بو سئوگييله لعنتلنميشم.
سن دئمه ناغيلميش بوتون سئوگيلر
چوخ آغير اولسا دا، بو حقيقتدير
اينسانين آغليني باشيندان آلير
سئوگي گؤر بيزلري نه گونه سالير.
بررسی معاملات معارض+