close
تبلیغات در اینترنت
منيم ديرلي اويرتمنيم
loading...

آذربایجان

منيم ديرلي اويرتمنيم بوگون اويرتمن گونيدي بوگونون مناسيبتي مني چوخ اوزون ايللراونجه يه آپاردي اوگونلره كي منده بيراويرنجي ديم .اوگونلري يادا سالاندا بيرنئچه اويرتمن آدي مني فيكريمه گلير اوگونلر منده چوخلاري كيمي بيلميرديق كي نه جواهيرلر اويرتمن آديلا بيزينن گونلرين سوووپ وگون به گون بيزلر بويويوپ اويرشديقجا اونلاردا گوجاليپ و باشلاري آغارديقجا بيزلردن اوزاقلاشيلار ... بيرنئچه گون اونجه اوغلومون اويرتمني له بيريدوك آقاي سودمند اوغلومون چوخ ديرلي استادي و اويرتمني دير اونونلا دردله شيپ دانيشيرديق…

منيم ديرلي اويرتمنيم

آذربایجانلی بازدید : 317 سه شنبه 12 ارديبهشت 1391 زمان : 23:22 نظرات ()

منيم ديرلي اويرتمنيم

بوگون اويرتمن گونيدي بوگونون مناسيبتي مني چوخ اوزون ايللراونجه يه آپاردي اوگونلره كي منده بيراويرنجي ديم .اوگونلري يادا سالاندا بيرنئچه اويرتمن آدي مني فيكريمه گلير اوگونلر منده چوخلاري كيمي بيلميرديق كي نه جواهيرلر اويرتمن آديلا بيزينن گونلرين سوووپ وگون به گون بيزلر بويويوپ اويرشديقجا اونلاردا گوجاليپ و باشلاري آغارديقجا بيزلردن اوزاقلاشيلار ... بيرنئچه گون اونجه اوغلومون اويرتمني له بيريدوك آقاي سودمند اوغلومون چوخ ديرلي استادي و اويرتمني دير اونونلا دردله شيپ دانيشيرديق كي سوز اورا چاتدي كي اويرتمن لر نه قدر ديرلي اينسانلارديلار و من بيراويرتمنيم آدين آپارديم كي منه چوخلي محترم و ديرلي دي آقاي نورمحمدي ، بيزراهنمايي اوخوياندا بيزيم رياضي اويرتمنيميزي دي و من و بوتون اويرنجي لراو گونلرده اونو چوخ سئويپ وسايقيلارديق .او آندا كي آقاي سودمند دئديلر كي آقاي نورمحمدي بير نئچه ايل قاباق آللاه رحمتينه گئديپ من شوكلار ايچينده قالديم بيرآن گوزلريم دولدي ...آخي نجور اولدي بو ايش اوكي چوخ ياشلي دييردي .... دويقولاريم مني آپاردي اوگونلره كي آقاي نورمحمدي بيزيم مدرسه يه تازا گليپ و بيزيم كلاسا تازا گليردي اوگلنده بيز گوردوق كي او ، اوبيري اويرتمن لردن چوخ چاليشقان و مهربان و جان يانديرانيدي بير نئچه گون بيزيم له چوخلي چاليشدي بيزه دئدي كي رياضي ده چوخ چاليشماليسيز و بيزيم اوچون آرتيق چاليشمالار آيارلادي و او كلاسلاري درسلردن سونرا آخشاملارا سالدي و من و ۲ عمي اوغلومي كي اوزاق يئردن اومدرسه يه گليرديق اوزماشيني نان (بير آبي آريا )هرگون ائوه يئتيريردي .... تا اوگونه قدر كي بيرگون كلاسا يتيرماق همين دئدي كي اوشاقلار كتابلاريزي كنارا قويون بيرايمتحان آليرام بيز حاضير دئيرديق و اعتراض ائله ماقا باشلاديق او دئدي سيزايشيز اولماسين من ايستيره م گورم كي سيزلر نه قدر قاباغا گئتميسيز .... اوايمتحاني آلدي و بير نئچه گون سونرا ورقه لر الينده كلاسا گيردي ... بيز هامميميز اونون غملي اوزون گورنده بولدوق كي چوخ ناراحات دي و بيزيم ده وضعيميز چوخ خرابدي ! او ورقه لري چوخ سس سيز و ناراحات ، اوشاقلارا داغيتدي هئچ كيم ياخچي نمره آلماميشدي بيز چوخلي نگراني ديق كي ايندي او بيزي نجور تنبييه ائليه جاق و سونوموز نجور اولاجاق .... او سس سيز اوز صندلينده اوتوردي و بيرنئچه دقيقه فيكره گئتدي سونرا دوردي آياقا دئدي اوشاقلار بو منيم آخيرگونومدي كي سيزين كلاسا گلميشم من سيزين آزنمره آلماغيزا ناراحات دئييره م من بونا ناراحاتام كي من ائليه بولمه ميشم كي سيزه ياخجي درس وئره م و اوز باشارماماقيما اوزولوره م بونا كي منده او عورضه و باشاري يوخدي كي سيزه بير ياخجي اويرتمن اولام و بو مني چوخ اوزور، اونون اوچون تصميم توتموشام كي دا سيزين كلاسا گلميم و سيزي آيري اويرتمنه تاپيشيرام مني حلال ائليين ....

 بونو ديينجه بيزلرين قاباغيندا آغلادي و چيخدي كلاسدان ائشيييه . اوچيخاننان سونرا كلاس دئيدي بيربيرينه بيز هامميميز اوزوموزدن اوتانيرديق چوخوني دا آغلاماق توتدي او بيزه گوره چوخ مهربان و اوره ك يانديرانيدي. اوشاقلار تصميم توتديلار كي گئداق اونون دالينجا . بيرنئچه نفر بيري ده من چيخديق دالينجا گوردوق كي مدرسه نين حياطيندا اوتوروپ و باشين ساليپ آشاغييا فيكره گئديپ . اوتانا اوتانا يانينا گئتديق و من دئديم ...آقاي نورمحمدي بيز شرمنده ييق سيز آللاه گئتميين بيزه بيردفعه ده اجازه وئرين ايمتحان وئراق گوررسيز كي بو سئري نجور اولار او بيري اوشاقلار دا سوزون داليسين توتوپ يالوارماغا باشلاديلار آخيرده اوني بيز راضي سالديق كي بيزدن اوبيرسي هفته بيرده ايمتحان آلسين و سونرا تصميم توتسون.

 گلن هفته آقاي نورمحمدي كلاسا گيرنده الينده بيرقوطي شيريني ده واريدي ورقه لري داغيتدي ياپ آز آلانيميز ۱۶ نمره آلميشدي واونون گولر و سئوينج دولو يوزي بيزيم هئچ بيرزامان ياديميزدان چيخماز او شيريني قوطوسون آچيپ بيزه داغيتدي وچوخ خوش گئشدي، اوگون هئچ بير زامان ياديمنان چيخماز دا اوگونن سونرا بيزيم و آقاي نورمحمدي كلاسينان هئچ كيم آشاغي نمره آلمادي و اونا اولان سئوگي ميزده هئچ بيرزامان آزالمادي اييللر گئچدي من دا اوني گورمه ز ديم. نئچه ايل سونرا بير گون اوني گورنده من دانيشگاه اوخويوردوم بيرنيگران آتا كيمي هرشئي دن سوروشدي و آخيرده اوره گي راحاتلينن سونرا خداحافظ دييپ آيريلديق اوننان سونرا بيرده نئچه اييل اونجه من گئچنده گوردوم آمما فرصت اولمادي گئچيپ اونونلا دانيشام ايندي نه قدر افسوس ييره م كي اوگون من نيه اونونلا گوروشمه ديم دئمه كي اوگونلر راحاتسيزلييپ و اونون سون گونلريميش .....

حيف كي ايندي آراميزدا ديير كي دولو دولو اونونلا دانيشام و اونون چكديغي زحمت لرينه سونسوز احترام و تشكرلريمي بيلديره م ... وحيف كي هئچ بير زامان اولمادي و ائليممه ديق اونون زحمتلرينين قارشيسين اودييك ...

آللاه اونا رحمت ائيله سين   

نادرتبريزلي

ارسال نظر برای این مطلب

نام
ایمیل (منتشر نمی‌شود) (لازم)
وبسایت
:) :( ;) :D ;)) :X :? :P :* =(( :O @};- :B /:) :S
نظر خصوصی
مشخصات شما ذخیره شود ؟ [حذف مشخصات] [شکلک ها]
کد امنیتیرفرش کد امنیتی
تبلیغات
Rozblog.com رز بلاگ - متفاوت ترين سرويس سایت ساز
درباره ما
آذربایجان منیم ائلیم، آذربایجان منیم دیلیم، دوغراسالار دیلیم دیلیم، باشقا دیله چؤنن دئيیل، دیلیم اؤلسه من ده اؤللم، آنا دیلیم اؤلن دئيیل، باشقا دیله دؤنن دئیيل . anadilim@ymail.com
اطلاعات کاربری
نام کاربری :
رمز عبور :
  • فراموشی رمز عبور؟
  • لینک دوستان
    آمار سایت
  • کل مطالب : 174
  • کل نظرات : 214
  • افراد آنلاین : 1
  • تعداد اعضا : 20
  • آی پی امروز : 7
  • آی پی دیروز : 8
  • بازدید امروز : 40
  • باردید دیروز : 16
  • گوگل امروز : 0
  • گوگل دیروز : 0
  • بازدید هفته : 110
  • بازدید ماه : 370
  • بازدید سال : 3,640
  • بازدید کلی : 185,171